Դավիթաշենում խմելու ջուրն արդեն 4-րդ օրն է անխնա հոսում է, «Վեոլիա ջուր»-ից քաղաքացիների պատասխանել են, թե իրենց աշխատանքային ժամը չէ

Այսօր՝ ապրիլի 19-ին, արտակարգ իրավիճակ է ստեղծվել Երևանում։ Դավիթաշեն վարչական շրջանի 4-րդ թաղամասի 49 և 50 շենքերի հարևանությամբ անցնող խմելու ջրի խողովակի վնասման պատճառով ջուրն անխնա հոսում ու ողողում է մի ամբողջ թաղամաս։

Shamshyan.com-ի հետ զրույցում բնակիչներն ասում էին․ «Արդեն 3-4 օր է, ինչ խմելու ջուրն անխնա հոսում է։ Զանգահարել ենք Դավիթաշենի թաղապետարան, Երևանի քաղաքապետարան, «Վեոլիա ջուր», սակայն ոչ մի տեղից, ոչ մի դրական պատասխան։

Ջուրը լցվում է Աշոտ Նավասարդյանի անվան 196 դպրոցի բակ։ Արդեն հասել է մյուս դպրոց ու մանկապարտեզ, ոնց որ ջրվեժում լինես։ «Վեոլիա ջուր»-ից մեզ պատասխանում են, թե էս ժամին մեր աշխատանքային ժամը չէ, հատուկ տեխնիկա չենք հանելու բերենք ու աշխատանքից դուրս գործ անենք»։

Ֆոտոլրագրողը հայտնում է նաև, որ քիչ առաջ ժամանել են Դավիթաշեն վարչական շրջանի ղեկավարի աշխատակազմից, ովքեր բնակիչներին հայտնեցին, որ «Վեոլիա ջրին» պարտավորեցրել են, որ ջուրը փակի։