Բաժին : Առողջապահություն
Հայաստանի բժշկական հաստատություններում բուժում է ստանում 361 բուժառու, վերակենդանցաման բաժանմունքներում գտնվում են 10 երեխա
Այս պահին 13 շտապգնության բրիգադներ ուևորվել են Ստեփանակերտ և պատրաստվում են բոլոր այն անձանց, ովքեր ունենք հենաշարժողական խնդիրներ, անկողնային հիվանդներին և մեր բոլոր հայրենակիցներին՝ անկախ իրենց վիճակից, միասնական ուժերով, բոլոր գործընկերների հետ համատեղ աշխատելով տարհանել և բերել ՀՀ:
Այս մասին այսօր Կառավարության հումանիտար կենտրոնի ասուլիսի ժամանակ ասել է ՀՀ առողջապահության նախարար Անահիտ Ավանեսյանը:
Նշենք, որ վարչապետի մամուլի խոսնակ Նազելի Բաղդասարյանը նշել էր, որ այս պահին Ստեփանակերում է գտնվում 15 անձ, որոնք հենաշարժողական խնդիրների պատճառով չէին տեղափոխվել Հայաստան:
«ՀՀ տարբեր բժշկական կենտրոններում այս պահին բուժում են ստանում մեծաթիվ հայրենակիցներ: Այս պահի դրությամբ 361 պացիենտ ունենք, որոնցից 221-ը պայթունից ստացած վնասվածքներով են և 114-ը ռազմական ագրեսիայի հետևանքով տարբեր վիրավորում ստացած անձինք։ Մնացած 26-ն արդեն առողջական այլ խնդիրներով պացիենտներ են:
Այս ամբողջ ընթացքում մենք ունեցել ենք 14 մահ, դրանք թե՛ տեղափոխման ընթացքում, թե՛ բժշկական հաստատությունում գրանցած մահեր են: Դեռ մեծաթիվ պացիենտների վիճակը մնում է ծայրահեղ ծանր և ծանր, բժիշկները պայքարում են նրանց կյանքի համար»,- այս մասին ասել է Առողջապահության նախարար Անահիտ Ավանեսյանը:
Նա նաև նշել է, որ այս պահին վերակենդանցաման բաժանմունքներում գտնվում են 10 երեխա, որոնց թվում կան և՛ պայթյունից տուժածներ, և՛ մարտական գործողությունների հետևանքով։ 2 երեխայի վիճակը ծայրահեղ ծանր է, մյուսներինը՝ կայուն։ Մեկ երեխայի մոտ կա դրական դինամիկա։