Ռուսաստանը դադարեցրել է նավերի տեղաշարժը Սև ծովի անվտանգության միջանցքով

Սևծովյան նախաձեռնությամբ սահմանված անվտանգության միջանցքով երթևեկությունը դադարեցվել է մինչև Սևաստոպոլում տեղի ունեցած ահաբեկչության շուրջ իրավիճակի պարզաբանումը, հայտնել են ՌԴ ՊՆ-ից։

Անցած շաբաթ օրը ՌԴ ԱԳՆ-ն հայտարարեց, որ պարենային գործարքն անորոշ ժամանակով կասեցվել է։ Գերատեսչությունը պարզաբանել է, որ հոկտեմբերի 29-ին ուկրաինական զորքերը, հացահատիկի արտահանման համար ստեղծված մարդասիրական միջանցքի քողի տակ, Սևաստոպոլում զանգվածային հարձակումներ են իրականացրել նավերի և Սևծովյան նավատորմի ենթակառուցվածքների վրա։