Բաժին : Քաղաքականություն
ՀՀ ռազմաքաղաքական ղեկավարությունը Հանրապետության տոնի առթիվ այցելել է Սարդարապատի հերոսամարտի հուշահամալիր (լուսանկարներ)
Այսօր ՀՀ ռազմաքաղաքական ղեկավարությունը, ՀՀ վարչապետ Նիկոլ Փաշինյանի գլխավորությամբ, Հայաստանում հավատարմագրված դիվանագիտական ներկայացուցչությունների ղեկավարների հետ Հանրապետության տոնի առթիվ այցելել է Սարդարապատի հերոսամարտի հուշահամալիր: Այս մասին հայտնում է Պաշտպանության նախարարությունը:
Վարչապետը հուշահամալիրում հանդես է եկել շնորհավորական ուղերձով, որից հետո հնչել է Հայաստանի Հանրապետության պետական օրհներգն ու տեղի ունեցել տոնական քայլերթ: Այնուհետև ծաղկեպսակներ են դրվել և ծաղիկներ խոնարհվել Սարդարապատի ճակատամարտի հերոսների հիշատակը հավերժացնող հուշակոթողին:
Միջոցառման ավարտին Հայոց ազգագրության թանգարանում տեղի է ունեցել պետական պարգևների հանձնման արարողություն: