Բաժին : Առողջապահություն
Հանրապետությունում կարմրուկի հետ կապված իրավիճակն այս պահին կայուն է. Ավանեսյան
Հայաստանում կարմրուկի հետ կապված իրավիճակն այս պահին կայուն է:
Այս մասին ԱԺ-ում լրագրողների հետ զրույցում ասաց Առողջապահության նախարար Անահիտ Ավանեսյանը:
«Այս պահին կարմրուկի իրավիճակը հանդարտվել է, քանի որ մենք ստուգման ֆիլտրերը խստացրել ենք և լայնածավալ հետազոտական աշխատանք ենք իրականացնում, որ հնարավոր բոլոր դեպքերը հայտնաբերենք: Իրավիճակը կայուն է այս պահին, բայց սա չի նշանակում, որ դրսից ներթափանցող դեպքեր չեն լինելու, ինչը ևս մեկ անգամ մեզ պետք է զգոնացնի, որպեսզի մեր բոլոր քաղաքացիները իրենց երեխաներին անպայման տանեն իմունիզացիոն ծրագրով նախատեսված պատվաստումներին»,- նշեց Ավանեսյանը:
Նախարարը նաև հորդորեց, որ այն մեծահասակները, ովքեր ինչ-ինչ պատճառներով չեն ստացել կամ չեն հիշում, որ ստացել են նման պատվաստում, ևս դիմեն պոլիկլինիկա, պատվաստվեն և զերծ մնան վարակվելու ռիսկից:
