Ո՞ւմ է հակացուցված կաթնաշոռը. խորհուրդ է տալիս սննդաբանը

Ո՞ր դեպքերում արժե հրաժարվել կաթնաշոռի նման ֆերմենտացված կաթնամթերք օգտագործելուց, aif.ru-ին մանրամասներ է հաղորդել քաշի շտկման և ուտելու վարքագծի խորհրդատու, սննդաբան՝ Աննա Մակարովան։

«Կաթնաշոռը սպիտակուցի աղբյուր է: Զարմանալի չէ, որ բոդիբիլդերներն այն ուտում են քնելուց առաջ՝ իրենց մկանները կազեինով ապահովելու համար, որը երկար ժամանակ մարսվում և մկանները սնուցում է ամինաթթուներով»,- ըստ shantnews-ի՝ ասում է մասնագետը։
Կաթնաշոռ ընտրելիս առաջին հերթին ուշադրություն դարձրեք յուղայնությանը, ինչպես նաև որոշ տեսակների մեջ աղի բարձր պարունակությանը. այս ամենը գրված է ապրանքի պիտակի վրա: Լավագույն ընտրությունը կլինի 2-5 տոկոս յուղայնությամբ կաթնաշոռը։ Հենց այս ցուցանիշն է փոխզիջում տալիս սննդային արժեքի, կալորիականության և համի միջև, ինչը մեծապես կախված է արտադրանքի մեջ ճարպի առկայությունից:

«Կաթնաշոռի մեկ չափաբաժինը մոտ 100-150 գրամ է։ Անվտանգ է կաթնաշոռ ուտել օրը մեկ անգամ, նույնիսկ ամեն օր, եթե հակացուցումներ չունեք»,- նշում է Աննա Մակարովան։

Ինչ վերաբերում է սահմանափակումներին, ապա եթե դուք չափազանց զգայուն եք կաթնաշոռի նկատմամբ և անհանգստություն եք զգում կաթնաշոռից, ապա դրա մեծ չափաբաժիններով ուտելու կարիք չկա, զգուշացնում է սննդաբանը։ Իսկ եթե ալերգիա ունեք կաթի սպիտակուցների նկատմամբ, ապա ստիպված կլինեք հրաժարվել ոչ միայն կաթնաշոռից, այլեւ բոլոր կաթնամթերքից։

2-րդ տիպի շաքարախտով հիվանդ մարդիկ հատուկ ուշադրություն պետք է դարձնեն կաթնաշոռի գլիկեմիկ ինդեքսին: Բայց առողջ մարդիկ չպետք է վախենան այս ցուցանիշից, քանի որ այս դեպքում դրա կարևորության մասին հայտարարությունները գիտականորեն ապացուցված չեն, նշում է Աննա Մակարովան։

Երիկամների հիվանդություն ունեցող մարդկանց համար կա կաթնաշոռի քանակի սահմանափակում (ինչպես նաև այլ սպիտակուցային արտադրանք): Դա պայմանավորված է նրանով, որ նրանց համար կան սննդակարգում սպիտակուցը սահմանափակելու ընդհանուր առաջարկություններ, զգուշացնում է մասնագետը։