Բաժին : Իրադարձային
«Սուրմալու» առևտրի կենտրոնում որոնողափրկարարական աշխատանքները դադարեցվել են, կշարունակվեն առավոտյան
«Սուրմալու» առևտրի կենտրոնի տարածքում այս պահին որոնողափրկարարական աշխատանքները դադարեցվել են՝ պայմանավորված տեղանքով ու փլուզման վտանգի առկայությամբ։
Այս մասին լրագրողների հետ զրույցում ասել է ՀՀ ԱԻՆ մամուլի քարտուղար Հայկ Կոստանյանը։
«Այդ հատվածում ունենք էլ ավելի վտանգավոր պատկեր, քանի որ փլուիզման վտանգն այդ հատվածում ավելի մեծ է, շտաբի կողմից որոշում է կայացվել, որ գիշերային ժամերին աշխատանքները դադարեցվեն, լույսը բացվելուն պես աշխատանքները կշարունակվեն»,-հայտնեց նա։
Կոստանյանը նշեց, որ այս պահին կա մեկ անհետ կորած, որը ենթադրաբար պայթյունի գոտում է գտնվել։
Եվս մեկ դիակի ինքնություն դեռ հստակ չէ։ Կոստանյանը նշեց, որ դատաբժշկական փորձաքննության փուլում է, նմուշառում է վերցվել և 5 օրվա ընթացքում քաղաքացու ինքնությունը հայտնի կլինի։