Բաժին : Աշխարհ/Տարածաշրջան
Եթե Աստված մեզ հետ լինի, մինչև տարեվերջ կարող ենք դադարեցնել այս պատերազմը. Զելենսկի
Ուկրաինայի նախագահ Վլադիմիր Զելենսկին CNN-ի հաղորդավար Վոլֆ Բլիցերին տված հարցազրույցում ասել է, որ Ուկրաինան չի ցանկանում իր հողերից որևէ մաս զիջել Ռուսաստանին և հաստատակամ է, որ Ուկրաինայի տարածքի զիջումը չի լինի պատերազմը դադարեցնելու դիվանագիտական բանակցությունների մաս:
«Ուկրաինացիները պատրաստ չեն զիջել իրենց հողերը, ընդունել, որ այդ տարածքները պատկանում են Ռուսաստանին: Սա մեր հողն է», - ասել է Զելենսկին բացառիկ հարցազրույցում:
Հարցին, թե արդյոք պատերազմը կարող է ավարտվել մինչև տարեվերջ, Զելենսկին ասել է. «Մեր երկիրը կմնա միասնական: Եթե մեր գործընկերների հզոր զենքը ժամանակին հասնի մեզ, և եթե հաջողությունը և Աստված մեզ հետ լինեն, մինչև տարեվերջ մենք կարող ենք շատ բաների հասնել և կարող ենք դադարեցնել այս պատերազմը: Մենք կարող ենք կասեցնել այս պատերազմի առնվազն ռազմական մասը»: