Բաժին : Հայաստան/Արցախ
Թող Ալեն Սիմոնյանը ինքը պատասխանի այդ հարցին՝ իրենք իրենց ինչի տեղ են դրել, որ մի խմբակով կամ մի քանի հոգով ուզում են որոշել մի ամբողջ ժողովրդի ճակատագիր՝ թե Արցախում, թե Հայաստանում․ Արթուր Մոսիյան
Արցախի ԱԺ արտահերթ նիստում ելույթի ժամանակ Արցախի ԱԺ պատգամավոր Արթուր Մոսիյանը մանրամասներ է հայտնել ՀՀ ԱԺ նախագահ Ալեն Սիմոնյանի հետ ամիսներ առաջ տեղի ունեցած հանդիպումից
«ԱԺ նախագահի և հինգ խմբակցությունների մասնակցությամբ ուղևորվեցինք Երևան՝ հանդիպեցինք ՀՀ ԱԺ նախագահի և մի քանի պատգամավորների հետ։ Մտահոգություններ ունենալով հարց ուղղեցի ՀՀ ԱԺ նախագահ Ալեն Սիմոնյանին՝ նշելով, թե կարգավիճակ ասելով ձեր իշխանությունն ինչ է հասկանում, կարո՞ղ է մի օր ասեք՝ Ադրբեջանի կազմում։
Իմ դաստիարակությունն ինձ թույլ չի տալիս նույն հարցը տալ, որն ասաց Ալեն Սիմոնյանը՝ դուք մեզ ինչի տեղ եք դրել։ Կխնդրեի, որ ինքը պատասխանի այդ հարցին՝ իրենք իրենց ինչի տեղ են դրել, որ մի խմբակով կամ մի քանի հոգով ուզում են որոշել մի ամբողջ ժողովրդի ճակատագիր՝ թե Արցախում, թե Հայաստանում»,- նշել է Մոսիյանը։