Թուրքիան և ՌԴ-ն կարող են վերադառնալ բարտերային առևտրին

Թուրքիան և Ռուսաստանը դիտարկում են բարտերին վերադարձի և առևտրատնտեսական հարաբերություններում ազգային արժույթների օգտագործման տարբերակները, հայտարարել է Թուրք-ռուսական գործարար խորհրդի (DEIK) ղեկավար Իզեթ Էքմեքչիբաշին։

Բարտերային առևտուրը հաջողությամբ օգտագործվել է երկու երկրների կողմից 1980-ականների վերջին, հիշել է գործարարը Dünya թերթին տված հարցազրույցում։

Թուրքիայի նախագահ Ռեջեփ Թայիփ Էրդողանն ավելի վաղ ասել էր, որ Անկարան Մոսկվային առաջարկել է երկկողմ առևտրում անցնել ազգային արժույթների, և բանակցություններ են ընթանում զբոսաշրջության ոլորտում ռուբլով և թուրքական լիրայով հաշվարկներն ավելացնելու համար։