Բաժին : Տնտեսություն/Բիզնես
ԵՄ-ն մտադիր է Ադրբեջանին խնդրել մեծացնել գազամատակարարումների ծավալը դեպի Եվրոպա՝ ՌԴ-ի հետ տարաձայնության ֆոնին. FT
Եվրամիությունը հաջորդ շաբաթ բանակցություններ կվարի Ադրբեջանի հետ՝ քննարկելու Տրանսադրիատիկ խողովակաշարով դեպի Եվրոպա գազի մատակարարումների մեծացման հնարավորությունը: Այս մասին հայտնում է Financial Times-ը՝ հղում անելով իր աղբյուրներին:
Նրանց տեղեկություններով՝ հաջորդ շաբաթ էներգետիկայի հարցով եվրահանձնակատար Կադրի Սիմսոնն այց կկացարի Բաքու, որի շրջանակում կհանդիպի երկրի էներգետիկայի և բնական ռեսուրսների հարցերով նախարարների հետ:
«Ակնկալում ենք, որ բանակցությունները նվիրված կլինեն Եվրոպա գազի մատակարարումների դիվերսիֆիկացման հարցում Ադրբեջանի դերակատարությանը»,- հայտնել է ԵՄ ներկայացուցիչը:
