Բաժին : Առողջապահություն
ՀՀ–ում այս պահին ստացիոնար բուժում է ստանում կորոնավիրուսով վարակված 2294 քաղաքացի, 233-ի վիճակը ծայրահեղ ծանր է
Առողջապահության փոխնախարար Գևորգ Սիմոնյանը ֆեյսբուքյան գրառում է արել, որում տվյալներ է ներկայացրել հանրապետությունում կորոնավիրուսային հիվանդության մասին։ Գրառումը ստորև․
«Առողջապահական համակարգի կորոնավիրուսային հիվանդությամբ ծանրաբեռնվածության համառոտ պատկերն այս պահին.
Այս պահին ստացիոնար բուժում է ստանում 2294 քաղաքացի, որից ըստ ծանրության աստիճանի՝
Ծանր - 962,
Ծայրահեղ ծանր - 233,
Թոքերի արհեստական օդափոխման սարքերին միացված - 76։
ՀՀ առողջապահության նախարարության աջակցությամբ ստացիոնար բուժօգնության ավարտից հետո շուրջ 30 քաղաքացու տրամադրվել է թթվածնային խտացուցիչ, որի շնորհիվ վերջիններս անհրաժեշտ բուժօգնությունը շարունակում են ստանալ տանը:
Հ.Գ. Փաստեմ, որ կորոնավիրուսային հիվանդության ստացիոնար բուժօգնության ավարտից հետո քաղաքացիները հաճախ ստիպված են լինում անցնել երկարատև վերականգնման շրջան:
