Հայաստանում կորոնավիրուսով վարակակիրների թիվն ավելացել է 662-ով

Հայաստանում կորոնավիրուսով վարակվածների թիվը վերջին մեկ օրում ավելացել է 662-ով, 11 մարդ մահացել է։ Այս մասին հայտնում է Հիվանդությունների վերահսկման եւ կանխարգելման ազգային կենտրոնը:

Այսպիսով՝ հունիսի 27-ին՝ ժամը 11-ի դրությամբ՝ կորոնավիրուսով վարակվել է 23909 մարդ, այս պահին փաստացի բուժում է ստանում 10445 մարդ, կատարվել է 107108 թեստավորում, առողջացել է 12911 վարակված։

Ընդհանուր առմամբ գրանցվել է կորոնավիրուսային հիվանդությունից 421 մահվան դեպք: Այլ պատճառներով մահվան ելքերը 132-ն են: