Մենք չենք կարող ասել, որ ընդերքը փակում ենք և չենք օգտագործում, բայց չենք կարող թույլ տալ, որ այն լինի օրենսդրությանը չհամապատասխանող ձևով. վարչապետ

ՀՀ վարչապետ Նիկոլ Փաշինյանն այսօր ժամանակավոր, համաձայնության կառավարության նիստին հանձնարարեց ստուգումներ անցկացնել մետաղական հանքերով զբաղվող կազմակերպություններում. դրանք իրականացվելու են թվով 28 կազմակերպություններում: Նա նշեց, որ ստուգումները պիտի անցկացվեն՝ պարզելու համար շրջակա միջավայրին, պետական շահերին ու բնակչության առողջությունը կանխելու վտանգների հայտնաբերման ու վերացման համար: Փաշինյանը կոչ արեց հանրապետական գործադիր մարմիններին օժանդակել տեսչական մարմիններին ստուգումներ անցկացնելիս: «Պետք է հանքարդյունաբերությունը համապատասխանեցվի ՀՀ օրենսդրությամբ սահմանված պահանջներին, և այստեղ երկրորդ տարբերակ ուղղակի չկա, և ես կարծում եմ, որ բնապահպանության ու ընդերքի տեսչական մարմինն ու Կառավարությունը պետք է միջոցներ ձեռնարկեն, որ այս ստուգումները թափանցիկ լինեն, ընդգրկվեն մասնագետները:
Մենք չենք կարող ասել, որ ընդերքը փակում ենք և չենք օգտագործում, բայց չենք կարող թույլ տալ, որ այն լինի օրենսդրությանը չհամապատասխանող ձևով»: Վարչապետը բնապահպաններին, ակտիվիստներին, լրագրողներին կոչ արեց համագործակցել Բնապահպանության նախարարության հետ:  
Մեկնաբանություններ
Լրահոս
Loading...
End of content.
No more posts to load.